|
|||||||
|
|
 |
|
|
LinkBack | أدوات الموضوع | انواع عرض الموضوع |
29-01-2011, 12:49 PM
|
#21 |
|
مدير عام
 |
لى طرى لك نزعت وطرت يم الهوا بين قلبي وبينك فرق والله كبير لى كفخت انطلقت ولى كفخت التوى انت حايم وانا بالقاع دوبي اسير في صحاري زماني ذيب ليلي عوى فوق جوك سحاب وحدر جوي هجير القدم فوق رمضا والخفوق التوى الحذر يا صقر لا يشبكونك اسير ويل صقر يتله مربطه لى نوى برقعته الليالي فوق وكر قصير عقب صفقه جناحه بالهوا لى اهتوى كل حر الى ضاق انتهض للمطير حومته بالسما ساعة لقلبه دوا واعذاب الجناح اللي يجره كسير كلما فز مكسور النواهض هوى |
|
|
29-01-2011, 12:50 PM
|
#22 |
|
مدير عام
|
بشروني عنك ما يدرون عني
ما دروا باللي شغل فكري وظني اتسمع للحكي بك واتحفظ خايف دقات قلبي يفضحني كل ما سموك باسمك فز قلبي والضماير والمدامع شاغلني يا حبيبي يوم جنبت الحبايب عفت لجلك كل من قبلك فتني من عرف قربك عرف طعم السعادة وإن تشطرت أدرك غبون التمني في هواك من العسل لذة مذاقه لكن حروس النحل عنها حدني ماعد اسمع بك ولا اوحي فيك عاذل والعذارى جهل لو داعبني لك عيون فعلها بي فعل ظالم من عرفتك يالغضي ما ريحني إن تفارقنا تغايا لي بليلي وإن تقابلنا دهني واخجلني |
|
|
|
29-01-2011, 12:50 PM
|
#23 |
|
مدير عام
|
سافرت
خمسين عام من الزمان هي عمر؟ والا على هامش زمان؟ هي حقيقة علم؟ والا هي سراب؟ هي مواجيع الدهر؟ والا حنان؟ في عجاج أيامها دربي يذوب تاهت الخطوه وضيعت المكان أنشغل عن عمري بعمر آخرين وانتبه في لحظة غياب الأوان مرت الدنيا وأنا ارسم لوحتي أرسم الفكره على صهوة حصان مرت الدنيا وأنا شعري طفل ما عصرت الروح في حرف البيان مرت الدنيا وأنا حلمي سحاب فوق سرج الريح مطلوق العنان مرت الدنيا ولا ادري وش قضيت من حوايج خاطري ذكر وعيان العمر ينقص وحاجاتي تزود عقب ما هي أربع(ن) صارت ثمان سافرت كن الصحاري ما ازهرت والمطر ما كنه أنبت قحويان سافرت كن الليالي ما أقمرت ما تقل سامرت نجمات حسان ماتقل غنت حمامه بالهديل والهوا ماهز عود الخيزران سافرت كن الحوادث ما جرت وأصبحت سوالفي كانت وكان يا زماني حاجتي في ركعتين غير رب الوقت مالي فيه شان |
|
|
|
29-01-2011, 12:51 PM
|
#24 |
|
مدير عام
|
في غير الزمان
في نفس المكان مرتني الذكرى وأنا واقف في نفس المكان في غير الزمان في ذا ضحكت أيام لكني بكيت في ذا حلمت أحلام لكني صحيت منها أبتديت وفيها أنتهيت إلا من الذكرى في نفس المكان في غير الزمان قالت لي الذكرى كلام عني كلام والله بغيت أنساه .. وصاحت ربابة شوق وأثر النغم مني يشكي وأنا شكواه وغنى صوت في ليلة فرح وهلت عين وقلب أنجرح في صوتها جرح وتعب وفي عينها نظرة عتب وشفت إبتسامه عليها هلت الدمعه ونظرة ملامه من الماضي على ربعه وأنا مع الذكرى في نفس المكان في غير الزمان تعطيني الذكرى ولا تاخذ أبد تحكي لي الذكرى ولا تسمع ل..أحد وأنا عندي كلام ممنوع حتى عن الخاطر لا ياخذه أمسي ولا يقبله باكر ما أقدر أوضح غايم الصوره ولا أزود للمسا نوره الله يا ذكرى ياما فهمتيني خطا ..؟ ياما قدم رجلي على جمرك وطا واليوم هيضني هواي أشكي ولا أدري وش بلاي هو من شقاي اللي مضى وإلا هناي وأنا مع الذكرى في نفس المكان في غير الزمان ..!! |
|
|
|
29-01-2011, 12:51 PM
|
#25 |
|
مدير عام
|
ياشوق انا عنك ضروفي حدتني "
" مالي على المسيار يمك وسيله رجوآ وصالك يالغضي بيدتني " " وطالت وقلبي فيه مثل المليله محبتك يالغضي وردتني " " حوض المنيه بين يوم وليله محبتك جارت علي واجهدتني " " مثل اللي عجزت عظامه تشيله دارت بي الافلاك لين ابعدتني " " عن صاحب والله مقبل بديله كان الليالي المقبله ساعدتني " " جيتك ولو عقب مده طويله |
|
|
|
29-01-2011, 12:52 PM
|
#26 |
|
مدير عام
|
أسابق الساعه
أسابق الساعه و تسبقني الساعه تقضي و انا توني باول ثوانيها أبشتري وقت وين اسواق بياعه ياللي تبيع الدقايق حد و اشريها قلبي يبي وقت لو الوقت ما طاعه و عيني تبي شمس لو الشمس تعميها و نفسي مثل باقي الاجواد طماعه ابي اجدد على الفرحه لياليها لا شك الايام للفرحات مناعه لو نورت ليلة عشرين تطفيها يظهر ثبات الفتى و النفس مرتاعه خوف على اللي نحبه من بلاويها لو ان كل ينال مناه بذراعه خذيت حقي من أقصاها لدانيها المشكله انك يابو لحظين بتاعه تاخذ سلاحي من الكفين و أعطيها و انا ادري ان العيون السود خداعه لا شك ودي أصدق منك داعيها و المهتوي لاهتوا مايطوي شراعه يمشي على النار كنه ما وطى فيها |
|
|
|
29-01-2011, 12:52 PM
|
#27 |
|
مدير عام
|
ألا يا عين هلي دمعك الصافي على الخدين
لعل الدمع يا عيني يزيل الهم عن بالي سهير الطرف اهوجس والخلايق كلهم ممسين انا والليل وفتؤادي ودمع العين همالي الى من ذكرته صار ليلي يا سعد ليلين ألا واعزتا لي من خياله لى تغايا لي ألا يا ونتي ونه كسير والعرب مقفين كسير الساق تالي الليل يذرف دمعه الغالي الى من غاب عن عيني نهارين شكيت البين ولو صاروا جميع الناس عندي كني لحالي اعزي نفسي الولهى واقول الصبر لاجلك زين ومن يصبر ينال مناه كانه صدق بالتالي |
|
|
|
29-01-2011, 12:53 PM
|
#28 |
|
مدير عام
|
لو نسيت .. لو نسيت العمر ما انسى دمعتك صرخة ذابت من عيونك دموع ترتعش مرتاعة في وجنتك وانتفض قلبي لها بين الضلوع أزعجت صمت الليالي عبرتك بالخفا ثوره وبالظاهر خشوع تسكب الدمعه وتظمى نظرتك مشهد النظرة وهي تظمى يروع يا ضياع العمر ضيعة بسمتك ضاع معها خافق مثلك جزوع ليت من يمتص جارح لحظتك
والفرح يشعل دياجيرك شموع |
|
|
|
29-01-2011, 12:53 PM
|
#29 |
|
مدير عام
|
نوى القلب نيه مانواها لاحد غيرك
نوى القلب يمشي لك على السمع والطاعه مع الشك والغيرة وهجرك وتقصيرك أحبك وأقول أمرك له الروح خضاعه جمعنا طريق الحب وانور بتنويرك على صدفة لقلوب الأحباب جماعه ملكني هواك وقادني بامر تدبيرك أمانه معك روحي من البعد ملتاعه تغزلت بك والشعر من بعض تعبيرك كلامك سحر يخلف موازين سماعه تقول الغزل مني شغل كل تفكيرك عسى واعسى والنفس بالزود طماعه |
|
|
|
29-01-2011, 12:54 PM
|
#30 |
|
مدير عام
|
تنشد عن الحال حالي كيف ماشفته
و أنا أحسب أنك قبل ذا الوقت تدري به في خاطري لك كلام مير ماقلته أجنبك مايحسك لو حياتي به هم جديد على الأول تحملته عنك أتحمل كبير الهم وأمشي به رحت أتمثل بطبع لك تعلمته لي صار لك غالي لياك تشقي به |
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ديوان الامير الشاعر محمد الاحمد السديري" رحمه الله | ويبقى الأمـــل | قسم ديوان الشعراء | 55 | 21-07-2011 11:33 PM |
| ديوان الامير الشاعر / فهد خالد | ويبقى الأمـــل | قسم ديوان الشعراء | 16 | 18-06-2011 01:11 AM |
| ديوان الشاعر الامير عبدالله الفيصل رحمه الله | ضحكتي صداها دمعتي | قسم ديوان الشعراء | 27 | 06-06-2011 03:45 AM |
| من بلاه الله (( لشاعر دايم السيف)) (خالد الفيصل ملك الاحساس ) | شروق الغروب | قسم الشعر والقصائد | 5 | 29-01-2011 05:56 PM |
| اشعار الامير خالد الفيصل نص + صوت | Wolf | قسم الشعر المسموع واليوتيوب الشعري | 10 | 14-11-2010 10:02 AM |
العرض العادي
