03-02-2011, 10:00 PM
|
#1 |
|
مدير عام
 |
هو شاعر الأندلس التي كانت أرصفتها لحنا لأقدامه
هو شاعر كبير كانت ملامحه وطن لأحلامه كتب للرحيل فعشقنا السفر, كتب للميلاد فعشقنا السهر كتب للتوبة فعشقنا الهداية, كتب للصمت فكانت أجمل حكاية نعم إنه الشاعر ناصر القحطاني بقلبه وقلمه وشعره وعطره وفكره وجسده وروحه ورعده وبوحه... |
|
|
03-02-2011, 10:00 PM
|
#2 |
|
مدير عام
|
النسا روح المسا
والليل لو فكر يبات كان ما فيه أغنيات وكان ماله ذكريات وكان ما فينا عظيم ومال أمانينا حليف وما بنا قلب وليف ولا لنا قصد شريف النسا نصف الحياة الا النسا كل الحياة آه يا أسرار الخوات آه يا أحلام البنات آه يا الطيش الطفولي آه يالحسن الشفيف آه يالعشق العفيف آه يالجنس اللطيف علمن حتى المرايا والشبابيك اللغات والرسايل والدواة صارت أعذب مفردات كم بكن وانكف مبصر واضحكن وابصر كفيف ورمشن واهتز سيف وهمسن وامتد ريف كم غدن لاخوانهن عزوة صناديد عصاة بين صفق المرهفات وبين ضبح العاديات طاحت أشناب وكراسي وانطلق دمع ونزيف واعتلا الخف المنيف والمقابر تستضيف النسا ضلع عوج لولاه كل العدل مات مالهن عنا فوات ومالنا عنهن غناة تبرق الدنيا على يديهن ويغرينا القنيف نطمع بتكريم ضيف وناقف بيوم عصيف النسا بحر على موجه منايا وأمنيات والنسا مركب نجاة نسأل الله الثبات هن لباس وهن فراش وهن معاش وهن رغيف إن فتك جوع مخيف وإن حدا الرجال حيف النسا حتى شراب الجنه العذب الفرات تحت ماطى الأمهات يالهن من مكرمات كل ما عود بنا الكد أقبل ابن آدم ضعيف له ورا البيبان طيف مثل نسناس المصيف في بلادي يحسبون ان النسا متخلفات في الضحى مستعمرات وفي المسا مستوطنات ما دروا عن هالبيارق شمخ العرض النظيف فزعة الدين الحنيف شجرة العز الكثيف غادة وسجادة وكفين وحجاب وصلاة من صبايا محصنات من عروق طيبات أطهر من ألفين منظر كلها فتنة وزيف في رجا الصبح الكسيف واجرة الليل السخيف كم مكان يعرض أعراض آنسات وسيدات والهوى له بايعات والغلاف وله فتات والحسن تشبير عنق وطول وخصر نحيف وشي ما ينشاف شيف لاجل الأول والوصيف شهب تشابه رسوم الشاشة المتحركات مال زمتهن طرات و لا لهن ملح وحلاة لا ربيع فيه خير ولا به الا بروق صيف والشتا ما به رفيف يحيي أوراق الخريف لي مناحل لي خلايا كلها سكر نبات لي حصون ناعمات لي غصون شامخات لي قوارير ملاها العقل والدم الخفيف خلفها العمر الكليف ودونها الحد الرهيف يا زمن وش جاب حلوى غلفوها بالعباة جنب حلوى للمشاة وللغبار وللشتات شف بدل ما هي لواحد صارت لجمع لفيف كيف أنا اخبرك كيف شوفها فوق الرصيف |
|
|
|
03-02-2011, 10:01 PM
|
#3 |
|
مدير عام
|
ناصر:
الله يا زين الليالي كل ما نرجع ورا شان الزمن ياهل ترى .. والا يا عالم وش جرى لا طعم للضحكه ولا اللقمه ولا حتى الكرى والعمر ينقص مثل ما تنقص ملذات الحياة ما فيه صدر الا وفاح ولا كلام الا انحكى واللي شكا واللي بكا .. واللي على الحزن اتكا واللي خذا له بندق و دور خويه و ارتكى حتى افلس وضاقت عليه الأرض من كل الجهات حامد: كلن يجود بنيته ولكل مؤمن مانوى الكره داء بلا دوى .. واصابعك ماهي سوى العين تتبع ما هوت والقلب يتبع ما هوى وان قوم الله القيامه نسأل الله الله الثبات مايجرحك غير الصغير اللي يحسب انه عظيم لاهو بشهم ولا كريم .. ولا سراط مستقيم تعامله مثل الخوي ويعاملك مثل الخصيم ان كانها من باب غيره ما يغار الا البنات ناصر: إلا على طاري النسا .. قل للنسا عل وعسى تذكرون اللي نسى .. وتدلهون اللي قسى وإلى تردى بعضنا .. تكفون يا جمع النسا اخذوا الغتر والثوب واعطونا الغطاوي والعباة يمارس الهاوي هواه من المهد لين اللحد حتى اكثر العالم جحد .. واصبح ماحد فاضي لاحد من قدم السبت احسب انه دايما يلقى الأحد لاواحلالاه سنتين من العصور الماضيات حامد: صحيح لي قال المثل : ما كل حاجة بالفلوس المال مايجمع نفوس .. ان عز روس يذل روس من صار للدرهم قدر والناس تنداس وتدوس جمع الرجال الاوفياء يغنيك عن جمع الفتات اللي يحسب ان الرجوله فالشماغ وفي العقال وبالضيق ماهو راس مال .. وما يعد من الرجال هذا اللي لي من ثورت في راسه الطلقه حلال الموت خير من الحياه اذا الحياء بالناس مات ناصر: الفقر كرهنا بعضنا..والنبي منه استعاذ وان ما لقى الطاير ملاذ .. العمر تاليه النفاذ إلى اجدبت كف العزيز ولا غشاها الا الرذاذ قل له عليك ان طعتني بالباقيات الصالحات كن مبتسم واحذر يقال انه عبس والا بسر حتى ولو جاك العسر.. تلقى مع العسر اليسر اجبر خواطر وانتبه ينقال خاطرك انكسر وارسم حلومك في البياض مربعات مربعات حامد: ياكثر ما عبنا الزمن واثر الزمن مافيه عيب إن عشت ذيب ومت ذيب .. وكل فعلك فعل طيب خذها نصيحه من مجرب قبل لا تسأل طبيب اذا عيون الناس باتت عين ربك ما تبات الله عطاك الموهبه والله كريم اليا وهب لو حكيهم يشعل لهب .. واقلامهم توزن ذهب ماتبت ايدين النبي تبت يدين ابو لهب اللي جمع شتاتهم يقدر يرجعهم شتات ناصر: من هم بصعود الدرج .. لا يلتفت للي هرج يصبر و لو حظه عرج .. والصبر مفتاح الفرج وإن حس في صدره حرج .. والهم طول ما خرج يجلس مع نفسه دقايق فوق سجادة صلاة افتح عيونك للحياه أكثر وناظر في علو لو عنك احبابك سلو .. و اعداك في كرهك غلو والله لو تصنع من الليمون مشروب حلو كان اكتشفت الوجه الأجمل للمحن والنايبات حامد: ان صابك من النايبات المعضله خطب جلل واجتاحتك موجة ملل .. وإغرورقت عينك بلل يا عل كتف الصاحب اللي ما يشيلك للشلل ولا بارك الله بالرفيق اللي يسوي هالسوات حتى ولو تقدر تبوق الكحل من فوق الرموش وتجري مثل جري الوحوش .. سواة رزقك ماتحوش يعني بلا توفيق ربك لا تهوش ولا تنوش يالادمي ما فات مات و كل ما هو آت.. آت ناصر: الله على قدر النصيحة فى القديم من الزمن كل إلى قالوا تمن .. قال أشري وصاه بثمن واليوم الآباء قبل الابنا نصفهم ما ينضمن وجدي على لقمان والا يا وجودي يا بركات تشكي مشاعرنا الجفاف وكل صدر فيه خوف أزمة ثقه وأزمة ظروف .. الكل منها ما يشوف من كثر ما قل العدل ما عاد يرجون الضعوف من بيت مال المسلمين اي صدقه واية زكاة حامد: من عزه الله في ذرانا ذي فراش وذي غطا نعطي ولا نرجي العطا .. ولا يجي منا الخطا نصبر على مر الليالي لو يطول ابنا البطا بعض الاوادم لو يموت من الفقر ما قال هات ما يجتمع كف جواد ومدة متباهيه خل الاوادم لاهيه .. واعط العطايا راهيه ياتكرم الناس بشرفها , يا تغور بداهيه لو صدق لك نيه تجود تجود لكن من سكات |
|
|
|
03-02-2011, 10:02 PM
|
#4 |
|
مدير عام
|
(بنت الهوى) أقبلت بنت الهوى مثل البشاره
في طرف ليل جلب نوره بأثرها كل نجم من ضياها شب ناره و لا سهر معنا القمر ليلة سهرها عطرها زف الخبر قبل انتشاره و فلت حجاج المسا طلعة قمرها دربي أمست فرحته ليلة نهاره تنشد غيوم النواظر عن مطرها ما سمح طرفي لحمله بانحداره كل عبره لأول الفرقا دخرها فرحة أكبر منتصر وقت انتصاره طلة الوجه الطفولي تختصرها جادل تشريفها طال انتظاره فكري و عيني و خفاقي ديرها جت تهادى تاره و تختال تاره و الدلال ذنوب و العشق يغفرها جت تبي من الشمس ليديها سواره و من نجم الليل عقد في نحرها جت لسان غرورها ينشد عباره هي درت تسع الكواكب عن خبرها جت ملاك كلها عشق و طهاره جت عنود لفة الراس تعسرها حفلة ايدي مصافحتها في حراره و عيدها لا جات تسبح في شعرها بنت بدو دللوها في الحضاره سالفة عربانها من أول شهرها كم طلب يدها و لا ظن الخساره طيب يزداد في رفضه فخرها لين روح تفرك يمينه يساره منوته لو هو ولد عم و حجرها ما تبي إلا عصمة اللي باختياره ساق شبكتها الغلا و قلبه مهرها وش عليه إن سولفت عنه بغزاره بين غيد صانها الرب و سترها وش عليه إن خاطت الجرح بمهاره أذكر إنه يوم ميلاده شكرها كنت ألم الشوق و يزيد انتثاره كنت أسولف و أحسب إني منتظرها ما كرهتك يالصبر لولا المراره ما عرفتك يالضما لولا ثغرها ما حملتك يالهوى لولا الشطاره ما عشقتك يالغرق لولا نظرها قلت أبأبحر و الغلا أسباب الجساره و أحرجتني خرس أغرقني بحرها دونها جفن يغير بدون غاره ما سلمت من السيوف اللي شهرها ليتها تاخذ وفا شيخ الزياره كم لفاني ماخذ منها صورها بح صوت الوجد ما خلصت ثاره و سبحة أشواقي نثرها اللي نثرها يوم جا للبان وقفه و استداره راحت تجر أسود الليل بسفرها ودعت درب توعد به سماره و غض خفاقي مع غضة بصرها ما عذرها خاطري وقت انكساره عذرها إن اللي سرى معها عذرها |
|
|
|
03-02-2011, 10:02 PM
|
#5 |
|
مدير عام
|
معك طعم المسا غير .. و معك حتى السوالف غير
معك يا حلو تقليب المواجع بين كفينك تبختر بين دقات الخفوق و نشوة التفكير ترى كل الحياه اصغر من اللي بيني و بينك احس انك تجي و العشب ينبت و الطيور تطير و احس ان السحاب يلوح براقه علي يدينك احس بروعة الدنيا و احس ان الزمان بخير و احسك للحياة اعذب نداء ما انت بمثل عينك اشوف الصبح لا شال الشفق هز الظلام عصير و اشوف الورد يضحك ما بقى الا ينشدك وينك ؟ و اشوف الريح تقبل مستخفه دمها و تغير تنثر لك شعرك و تنتثر سلة رياحينك ورا ما ترقص القمرا بقلب خانه التعبير مثل ما ترقص الالوان في مسرح فساتينك دخيل انشودة العشق و ذنوب ترفض التكفير دخيل آخر ربيع مرني في حضن عشرينك انا اللي نزلك من برجك العاجي و جاك يسير يمد لك اليمين ولا درى عن لهفة يمينك و اثرك تشوفني في حلمك اللي في رجا التفسير على ذاك الحصان الابيض اللي في ميادينك شعرت بطعم سكينك من اول ما بدا التقدير تمثنيت العروق و قبل اكبر جرح سكينك لقيتك قبل ما ابحث عنك في الابراج و التبصير قريتك قبل اموت بلذة قراءة فناجينك ابي للناس اسولف بك و اقول اللي يصير يصير و احسك سالفه لو سولفوها شوهوا زينك حشا لو تطري الفرقا ما اعدك راعي التقصير عزاي اني ملكت بوقتها عرش اجمل سنينك يقولون الزمان اغبر و انا اقول الزمان بخير ما دام اللي سكن في ناظرك ما طاح من عينك |
|
|
|
03-02-2011, 10:03 PM
|
#6 |
|
مدير عام
|
فضفضت لي عن سواليف امها اللي كدرتها
والحزن مثل الحسن لازم ينوقف له جت تفلسف طفلة مكياجها من فلسفتها كملت عشرين عام ولاتزال اليوم طفله يشفع الخلخال والسلسال جايع في رقبتها خيزران لينها بين انتباه وبين غفلة ودي ادري لا مشت بشعور الارض اللي تحتها وان تثنت قلت وين اللي يقول ان الترف له اه لولا خصرها قلت اسرفو في تغذيتها ما افقره بين النعيم ولا يبي من ينتصف له جاجة تطري عليها جايبتها جايبتها نسمة ماتعترف بالباب والحارس وقفله قلت وش ذا اللي خفق بين الضلوع من اولتها قبل اقول الضيف جاك اثره فتح كل الغرف له يوم قومته لها ليلة سرت في سلهمتها قالت اتشرف بقلبك يافتى قلت الشرف له وصرت مع سرب الحمام اللي طلع من حنجرتها ساعتين وهي تسوق الرمش وابصم واعترف له تجذل انفاسي ولا حست دفاها كسرتها واطلقتها للهبوب بكل طيش تنجرف له لين باخر طيشها قصيت اظافر شيطنتها لا تشح بكيدها الا كيدها ابن ادم ضعف له لسلست عصريه الجمعه وهي تقرا بختها بين جمع من العذارى كل شى منكشف له كل ماجن يمشطن شرطانها اللي تعبتها سمعوها من قصايد خلها اخر من عرف له ولدت الحلمن تدور له وتنشد منظرتها الدت لبروازها الاسود دمعها يا ما ذرف له لدت توصي مكاتيب قبل مازرفتها ضمنتهالغاليه دمعه وداع وعطر حفله قلت اراضيها وجيت وجات والدنيا ملتها والغزل دار ولقى المشتاق مشتاق يعزف له كل مازودت وردي السواليف اخجلتها وكل مازاد الحيى قلت الحلو وش ينكسف له قالت امي تفتكرني طفله وتظلم بختها صح انا ما ني بطفله صح انا ما ني بطفله؟ |
|
|
|
03-02-2011, 10:04 PM
|
#7 |
|
مدير عام
|
يا بوي أنا من ضوك أشعلت ضوي
والله ما تفنى ولو كنت فاني شربت علمك في مراحل نموي حتى قوى عودي وغنى لساني تذكر ضناك الحالم اللي ينوي صار أكبر منية نوايا وأماني ياليت عمرك طول وعشت جوي وتشوف كيف أنجبت لك عمر ثاني عشق على حبل الوريد متلوي لهواية التحليق وحدي خذاني ما ضقت كم باكر وأنا أقول توي هذا زمان الغير ولا زماني ودي تحدت هالنجوم بعلوي دام الثرى يحلم بحزة طماني من لا دخل بين الرجال متقوي ما ظمنتي يصهل صهيل الحصاني واللي على جال الضلوع متطوي تباشري بمفارقه يا المحاني والله لا سوي ثم أسوي وأسوي ولا فلا باسمي فلان الفلاني ماتوا عداي وصار وقتي عدوي لا بو دقايق ساعته والثواني أنا على ذاك المكان متروي بس الوعد لا قلت هذا مكاني |
|
|
|
03-02-2011, 10:04 PM
|
#8 |
|
مدير عام
|
السوالف ياجنيني طاولني
والعرب تالي نسوا حسن الضيافه والخوارج من تدني في تدني والبلد مليان تهريج وطرافه والحياه اكبر من اللي مس ظني واوسع من احلام الانذال التوافه والقصايد صنعتي والفن فني والقوافل ماتحسب الا المسافه ليه اعبر غاديات عارضني وصك شحاذ على باب الصحافه ماخذيتك ياجنيني بالتبني ولاغذيتك الاحس له رهافه حط في بالك قبل ماتحتضني مانت باللي ينتقهوى باختطافه لك علي مادمت منك وانت مني ماتمرك غير الانسام بلطافه وان دخل بك في ظلام الليل جني لاتخافه لاتخافه لاتخافه كلبوها سورتين وترجهني يطلع المعتوه ويجيك اعترافه والله اني والله اني والله اني من رجال في ملاقاهم حسافه حقهم ماياصله راع التمني وانتصافتهم ماهيب أي انتصافه اتفيا في ظلال الغصن كني شايب رحال شاف اللي يعافه قلت خلوني على ليلاي اغني وازعجوا موالي دعاه السخافه عصبه الخناس عشاق التجني ملحقين اعمارهم ذل وكلافه وش يبون الخاربين بقلع سني آفة لابارك الله باي آفه لاسلام وكل نذل يحل عني مابعد ملت يدي من النظافه والسفيه اللي من العام متعني ماترك حتى النعامه والزرافه ان مدح وان سب والله ماشحني اعتبرته تافه وستين تافه والقصايد صنعتي والفن فني والبلد مليان تهريج وطرافه |
|
|
|
03-02-2011, 10:05 PM
|
#9 |
|
مدير عام
|
يا لله بعلم يسر ويبهج الخاطر
طالت وطال الصبر لعيون خلاني ادري طراة الفتى عزام ومخاطر اما على شانهم والا على شاني ما احلي من الغيم لامنه نوى الماطر ما اعظم من الحب في تاريخ وجداني لا عاد ليل العتاب وغلطة الشاطر اقفى على وجهه الغالي ولا جاني كان اول يذوب كان لشوفتي ناطر كان يتحرى الغلا كان يتمناني يا حسرتي لا تهجيت اسمه العاطر دورتي بوقتها ما عاد تلقاني الى رجع ماله الا طيبة الخاطر ل اشب نصف القصيد لنصفي الثاني |
|
|
|
03-02-2011, 10:05 PM
|
#10 |
|
مدير عام
|
على الحمرا السلام و كل حي يذكر أمجاده
و أنا تاريخي أمجاد و براهيني مجودها قصيدة شعرنا الشعبي عروس بتاج و قلاده سفيرة لهجة طلت على الدنيا قصايدها على البال ابن زيدون و غراميات ولاده و سواليف لابن رشد أتذكرها و أرددها يا هالقصر العظيم اللي هل التصوير ترتاده يا تحفة غير أهلها مستحيل أحد يشيدها يا تنهيد العجوز و ضحكة المولود بمهاده يا نفحه عاطره لبنية ما زم ناهدها يا جرح ما على بال الزمان المقفي ضماده لفيتك و انت بأرض من غلاها ما اتباعدها على الروضه وقفت و وقفتي ماهي على العاده ومن باب الشريعه ساحه الريحان قاصدها مشيت و جيت في بهو الأسود أتذكر الساده و ألبي صوت جنات العريف اللي مواعدها الأبراج .. الدهاليز .. الحصون .. السقف و عماده حجا الجدران .. نقش أقواسها .. مرمر قلايدها خرير الماء على الحوض الله الله ما أعذب انشاده صور عشر الرجال تقرب السجه و تبعدها أجي ديوان ابو الحجاج مابه غير مقعاده و لا حصلت لك من حاشيته إلا مساندها مليت الكف بتراب شرد ذهني مع أسياده و تلت دمعتي تنهيدة كنت أتنهدها أنا أدري بك حزين يعربي طول حداده على خير أمة صفحاتها بيض تساودها و انا ما جيت سايح جيتك بمصحف و سجاده من حجاز أكرم الأكرام و أشرفها و سيدها أنا المتغرب اللي نادته قطعه من بلاده صويب شاقته حمر القصور و جاء يشاهدها صوابه فيه من غرناطه و فيها من أجداده رجال كل واحد قوم الدنيا و قعدها رجال جغرفوا شعث الفجوج و جات منقاده رجال غيروا تاريخ الأمصار و عقايدها رجال ما أشغلتهم عن مناويهم و لا غاده و لا حتى قصور ماسها يحضن زبرجدها خذوها من هنا حتى ورا النهرين و زياده و ساقوا عقربيات صهيل الخيل راعدها زمنهم كان صعب و كانت الأرقاب سداده و الانفس تنجلب و الحدب تلقى من يجردها لك الله كانت الدنيا لهم ساحات و رياده متى نتبع خطاويهم و كلمتنا نوحدها متى بس نتصافى و السحاب يدن رعاده متى أحلام الربيع المبتعد نقدر نجسدها متى .. مدري متى .. لكن مصير الحق نعتاده ما دام جباهنا ما فارقت روضة مساجدها |
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ديوان ناصر الفراعنة | ويبقى الأمـــل | قسم ديوان الشعراء | 59 | 21-07-2011 11:03 PM |
| قصيدة النسا كل الحياة - ناصر القحطاني | ويبقى الأمـــل | قسم الشعر والقصائد | 4 | 01-01-2011 10:43 PM |
| قصيدة بنت الهوى - ناصر القحطاني | ويبقى الأمـــل | قسم الشعر والقصائد | 4 | 21-12-2010 11:07 AM |
| رديه ملذات الحياة - ناصر القحطاني و حامد زيد | ويبقى الأمـــل | قسم الشعر والقصائد | 2 | 20-12-2010 07:56 AM |
| قصيدة سلم على حايل وسلم على شمر - ناصر القحطاني | ويبقى الأمـــل | قسم الشعر والقصائد | 2 | 19-12-2010 06:50 PM |
العرض العادي
