|
|||||||
|
|
 |
|
|
LinkBack | أدوات الموضوع | انواع عرض الموضوع |
27-05-2011, 07:12 PM
|
#1 |
|
مشرفــة قسم ثيمات الجيل الثالث
 |
القيـامه والدرس الأخير..لبــنانـ مشـى الطابـور ولازلـتـي يــا أمــه بـأخـر الطـابـور ولازلــتــي رغــــم هــــذا الــوجــود بــــلاد مـفـقــوده خـلاص استوعبـي هـذا السقـوط الفاشـل المـذعـور أو أنتـي صـرتـي مــع فـصـل التـشـرد أمــه معـهـوده دول كنتي وصرتـي الحيـن بـس صنـدوق للميسـور أنـا أسـأل ليـش كـل دولــه مــع الصـنـدوق مـوعـوده أو أسـأل لـيـش تتـشـرد شـعـوب وينكـسـر مجـبـور أو أســأل لـيـش يالـيـش الـسـؤال الأمـــه مـضـهـوده بـشـر تتـأمـن بقـلـب الـمـدارس تحـضـن الطبـشـور ونشـوف المـوت والقـتـل الجمـاعـي حـصـه معـيـوده ولكـن درس هـذا اليـوم تـكـون الامــه هــي سـبـور ((أبـي )) مـن يعـرف يلـون وجــوه أطـفـال مــوءوده أو يقـدر أحـد يكـتـب عـلـى السـبـور معـنـى شـعـور او يـطـلـع عـلــى هـــذا الـسـكـوت ويـكـســر قــيــوده مافـي احـد يـبـي يطـلـع عـلـى هــذا القـهـر مقـهـور ولا احـــد رضـــى بــهــذا الـقـهــر تـقـديــر لــجــدوده وشفتـي شلـون يـا أمـه جبرنـا الــدرس بالمكـسـور وأنـتـي بــلاد مـوجـوده ولـكـن مــا أنـتــي مـوجــوده .. .. .. .. .. .. هـنـا كـانـت حضارتـنـا. جـبـال. ومـدرسـه وزهــور بـلـد روحــه وســط قـلـب الـعـرب بالـشـوق معـقـوده يصافحهـا المطـر ويغـار مــن لمـسـت يـديـه الـنـور بـلـد شـمـس وعـلـى كــل الــدول بالـسـلـم مـشـهـوده يرتلـهـا القـمـر بعـيـون اهلـهـا وينـطـوي مـســرور وبـريـق الطـيـب فــي لـيـل الاهـالـي يـضـئ عـنـقـوده حمامه وقلبها مثخن في (أوف) الميجنه من عصور يبلسمـهـا الشـعـب حـتـى تطـيـب وتـحـضـن عـهــوده صحت فجأه على سلاح اليهـودي الفاجـر المحظـور وطـاحـت تـنـزف لصـبـح العـروبـه أمــوات مـولــوده نشـوف أطفـال تتطايـر مـع الألـعـاب وســط الــدور طفولـه تمـوت مـن قبـل النمـو مــن رضـعـة انـشـوده طفولـه مـن ورق هــذا طـفـل مــن دفـتـره مشـطـور وهنـا لعـبـه عـلـى صــدر الطـفـل محـروقـه مـرمـوده كتب أطفال قصص طفـل وطفـل عـن قصتـه مقبـور مشـاهـدهـم وســـط كـــل الـعـيـون أشـــلاء مـلـحـوده عبـث مـن يحـرق الاطـفـال والأشـجـار والعصـفـور عـبـث يغـتـال كـــل هـــذا الـبـيـاض بـفـكـرة ٍ ســـوده طـلـع فـرعـون ولانــدري بـعـد منـهـو علـيـه تــدور طـغــى فـــي وء د أطـفــال الـبــلاد وحـولــه جـنــوده يـعـيـث بـكــل بـــلاد الله فـســاد ويـقــرأ الـدسـتــور يـعـيـد حـكـايـة أرواح الـبـشـر فـــي أمـــره مـمــدوده مـثـل مــا أمـنـو فـيـه اليـهـود يـقــول هـــذا الـــدور عـلـى كــل الــدول تـؤمـن أو أنـهـا تـكــون مـهــدوده .. .. .. .. .. .. أيــا لبـنـان عــذرا لــو تـوشــح وجـهــك الـديـجـور وشبابيـك النفـوس /شمـوس عـنـك الـيـوم مـوصـوده تشـب النـور مـن صوتـك تنـادي وينكشـف مستـور وتـشـوف الـنـاس مـوجـوده ولـكـن مـاهـي مـوجـوده تنـادي بجـرح مـن عــزه ولا تلـقـى لـنـداك حـضـور وعيـون النـاس بالريـمـوت عـلـى الأخـبـار مـشـدوده ايـا لبنـان خلـك فـوق مـادام انــت الجـبـل والـسـور متـى كـان الـوطـي يـطـول الجـبـل أو يلـمـح صـعـوده علـى هــذا الألــم أصـعـد وسـطـر للكـرامـه سـطـور اخــذ مـجـدك عـلـى راس الحـيـاه وعـيــش بـحــدوده تكـون او لاتكـون أدري تكـون تكـون رغــم الـجـور زنــاد الـجـرح فــي قلـبـك غـضــب والـــدم بـــارودوه اذا ماكـنـت أنــت تـثـور علمـنـي مــن الـلـي يـثــور وعلمـنـي الـسـيـول شـلــون تـشــق دروب مـســدوده واذا كان اليهـود ِ يصـب غضـب طغيانـه بالفسفـور ف أنـــت أول بـلــد عـــرى الـيـهـود ِ بـريـحـة وروده |
|
|
27-05-2011, 07:16 PM
|
#2 |
|
مشرفــة قسم ثيمات الجيل الثالث
|
الــدنيا جتني تشيل عيونها سيوف سلطان وفي زولها شفت أنتصارات حطين لا قبلها تمشي عيوني على أنسان ولا بعدها أنسان يوقف على العين مدري الشعر ياخذ من النار نيران ولا من الهيبه غدى اللون لونين أحمر يشب الليل من فوق الأمتان نيرانها تشعل ضلوع المزايين قمرى أتعلق في وسط قلب الأكوان وأقدامها تبرق على الأرض حجلين نار أترامح من على روس عدوان نيرانها تحطب ضلوع الوفيين تفرح إذا تنحر من الناس خلان وتحزن إذا يفرح عليها القريبين تضحك إذا تفرق من الحب أخوان وتحزن إذا أجتمعو بهواها محبين بعيونها نهر يصب خلف الأجفان وعند الهدب تلقى العطاشى كثيرين فيها بريق القوت يسكن بـتيجان وفيها أنكسار الجوع وسط اليتيمين مدري أقول الكون يمشي با الأعيان ولا أقول عيون تمشي في كونين بكفوفها سطوة بورايد شجعان ورمح طعن مليون شيخ وسلاطين أن صافحت ذنب ٍ يسولف لغفران تذل عزيز / تعز ناس ذليلين كفين بعيوني وأقول أنها أكفان يعني تشوف الموت يمشي بكفنين تركض وتطرد دينها كل الأديان ومن وصلها ماتو عليها ملايين شفت الغني يركض يبي الود ولهان وشفت التمني يجرح أشفاه مسكين من قربت سيحت عمري با الأشجان وأقول عادي دام أنا أنسان من طين . . . . . قالت مراحيب الشعر يا بن الأوزان ضيفك ذبحه البرد دفه بحرفين ولا أنت بس تشعل قصيدك للأوطان ما ذقت طعم الحب شكلك لها الحين كلك شموخ ولا كتب مثلك فلان وعلان لو يقعد على الحرف قرنين أدري الصحافه ماذكرت فيك عنوان بس أنت للأوطان عز وعناويين عمر الصحافه ما رفعت عالي الشان وإذا أرفعت ترفع ترى ناس فاضين من يجهلك يا الحر من دون جنحان وانت الذي بزهمول عمرك جناحين عندي ترى تسوى شيوخ وبلدان من رفعتك قامت شيوخ وبلادين الشعر له طيب وتواريخ فرسان وهذا القلم خادم لفعل المياديين ولا الردى لو يوصف الشعر فنجان ما تلمس أشعاره صدور الاصيلين هذا أنا الدنيا وجيتك با الأحضان قلت أفتنك وتصير ويا الشياطين حاولت أنا الدنيا على قدر الأمكان مدري أنا من وين أفتنك من وين دورت لك مذهب مع كل الأديان لا أنت مع الدنيا ولا أنت مع الدين ودريت هذا الصدق لو يمشي بأنسان ماغيرك اللي صار للصدق رجلين |
|
|
|
27-05-2011, 07:17 PM
|
#3 |
|
مشرفــة قسم ثيمات الجيل الثالث
|
الـــزبرجد اذا هالقلب ماينبض معاليقه على الميعاد أنا وشلون روحي في دروب المجد أصعدها مشيت ولا معاي ألا جروح ٍ بالدروب جداد ومعايه شيمة ٍ ترقى على ضلوعي تهودها صحيح الروح مكسوره ولاتقوى تشيل شداد ولافكرت أحط روحي على روح ٍ تسندها رقيت جروح وخليت الصبر فوق الجروح ضماد أنا لاقلت أضمدها أنا أعرف كيف أضمدها تثور الخيل من قلبي وأقول ان الهقاوي جياد وأشوف القلب من دم الجدود يفور يلكدها يا أما موت من سيف الشعر يحييني للميلاد يا أما النفس في صمت الشعور تموت وأغمدها . . . أنا البارح يناديني النعاس ولا يجيني رقاد سهرت أنوم القمرى على عيوني وأقعدها من بلاد ٍ قلايدها النجم في جيدها وقاد وعرفت أن السما تلبس من بلادي قلايدها وضوى هذا السهر يمشي على هذا الجفن بركاد يموجني الغلا ويطيح من جفني على يدها وأشوف الليل يترامى تحت عمري ويصير رماد وأشوف الضوء يغتال الظلام اللي يسودها هي الفضه من اللولو على هذا الفضا تزداد أم أن هذي الرمال اللي ولدتها من زبرجدها وكاد انها ضوت عمر القصيد ورحلت القصاد وأجيب أقمار من دمي على فمي وتقصدها وأصب النبض في قلب البلاد وينبض الأنشاد ويطيب القلب ويتنفس شعوري من قصايدها يوديني غلاها وجيت من أقصى الغلا وراد عليها وجيت أخذها علي ورحت أوردها أحبك ياعطر عمري وطلعة عمري بالأعياد أنا همت أكسر ضلوعي في عيدك جيت موقدها وأقول العيد فيك بخير لأنك خير كل بلاد وأجيب أيام خير سنين عيدي وفيك أعايدها لأنك دنية الدنيا ومنك ترتوي الأوراد لأنك أرض كل الأرض ولا غيرك يوردها وحتى الغيمه من تلمح يدينك تحضن الرعاد تبي تنزل عليك من الوله تروي تنهدها ألا يادار يابنت الهقاوي وهقوة الأجداد ألا يابنت من روحه فدى عيونك يبددها عفيفه لاقعد وجه الفجر من خشية العباد يطيح الليل لارتفعت بذكر الله مساجدها هي الرفعه من شموخ السجود وجبهة السجاد أبوها لو يسجدها لوجه الله سجدها يرتبها الفجر في فوضة طيوره ويبكي بعاد ويتنهد على شمس ٍ تجي من أصبع تشهدها وتفوح الشمس أذا قلب المدارس يحضن الأولاد وبنت ٍ ترمي تلويحة وداع بعين والدها صباح الشمس يا أرض العزاوي وعزوة الأسياد صباح الأرض يانور الصلاه بروح ساجدها يهيلها الكرم من صدر أهلها طيبين أجواد يشبون الهلا للي يمر والطيب يوقدها تشوف العز بعيون النشامى يلتفت هداد شلع لارفرفت كلمة (كفو) يطلع ويظهدها ألا يادار يابنت الهقاوي وهقوة الأجداد ألا يابنت من روحه فدى عيونك يبددها . . . عزيزه حره ماترضى تلامس يدها الأصفاد تحط الموت في روح الكفوف اللي تقيدها عنيده لاركبت راس الحرايب تلتهب بعناد تمر مثل الحرايق في هشيم الحرب ترمدها أصيله مضمره بالمجد تقود المجد ما تنقاد تمر مثل الوميض ولا قدرت عيني تجودها مثل ما مرت وشبت عيوني بداخل الميعاد انا قلت أشعل ضلوعي من عيوني ... وأعايدها |
|
|
|
27-05-2011, 07:19 PM
|
#4 |
|
مشرفــة قسم ثيمات الجيل الثالث
|
ويـنك أقول وينك ؟ ولا القى غير وينك في سكوتي وصال سؤالي.. غيب شموس الوله حتى انمحى ظلي ياليت القى عذر حتى ولو هذا العذر دجال عشان اقدر اطمن مابقى من مابقى بكلي غيابك يزرع عيون البكا في ضيقة الموال و ينبت في طرف صوتي سؤال يقول انا من لي تروح وانطوي كلي مع الذكرى وسط هالبال توديني التفاصيل الشقيه لك وترجع لي واقول الحال من بعدك ترى والله ماهي حال انا الكايد ولكني غديت الحين ياسهلي انا هذا الطريق المتعب المرهق من الترحال تعبت ابحث على راحه تمد كفوفها لحملي سفر هذا الطريق اللي قطع عمري من الاهوال خلصت ولا خلص هذا الطريق اللي كسر رجلي اقول لنفسي من تكثر جروحي حل ياحلال احل ولاحسبت اني ادور حل في حلي امر الناس في نهر النوايا وضحكة الاطفال واصب كل النوايا البيض على من يستفز غلي عجزت استقبل الكره الملون من ورى الاشكال عجزت ازعل ولو مره ولو بس مره من اجلي اعيش بعقل واهديت المحبه للبشر بهبال واشوف ولا بقى حيي ٍ يعيش الحين في عقلي بقيت انت وبقى ضو الكلام بداخلي لازال.. ينادي يرتعش بأقصى عيوني يقول ياخلي تعال ارسم على شمس السنين الحارقات ظلال تعال اجمع بقاياي الجريحه وردها لأصلي انا ويني اذا راحت عيونك وانتهت أمال انا ويني ومن غيرك يشيل همومي../ بس قلي اقول وينك.؟ ويتشظى صدى صوتي بوادي البال يمر بين التفاصيل الحزينه ويختفي ظلي |
|
|
|
27-05-2011, 07:21 PM
|
#5 |
|
مشرفــة قسم ثيمات الجيل الثالث
|
حفـيف الـجرح اشعر بعض احيان عقلي ب مجنون واحيان انا ألقى عاقل ٍ في جنوني وأحيان أقول يدين عمري هي غصون وقت المصافح شفتهم يقطفوني دايم أردد وسط بالي يمونون بس هاه.. ماعمري نطقت بعطوني أرمي المراجل ياعسى فيهم تكون ولا قد لقيت الا طلبتك تكوني!! واثر المراجل هم لها وجه وعيون ماتعيش في شخصٍ ....ودوني هذا حفيف الجرح من هبت شجون ولا سقوط وجيههم من عيوني معقول فوق الجرح دايم يغنون ولافيهم اللي شاف زرقة طعوني هذا انا من العام طايح ومطعون لاالوقت وقتي ولا القصايد لحوني الحر مكسور الجناحين ومغبون فوق الكسر مرو علي وألعنوني يعني أعيش بمثل ماهم يعيشون لاطعم لا ريحة ولا اللون لوني الناس صارو اشباح فيني يمرون يسحبني الأول وعشره اقطعوني قلت اتعلق بالاغاني على هون حتى أيتقطع وصلهم في جفوني |
|
|
|
27-05-2011, 07:23 PM
|
#6 |
|
مشرفــة قسم ثيمات الجيل الثالث
|
الحب يحتاج الى تصليح ووقفت العمر للريح خذه قبل هذا المسى ياخذ عيوني للبشر واطيح . , نقول بخير وحنا بقلب طعنات الليالي ليه نقول بخير نخاف الناس تتشمت أكيد .!! واكيد الحب في هذا الزمن يحتاج إلى تصليح . . هو الشاعر يمر باب المسى وتستوقفه دمعات يفوت بكل أبواب الألم والحب مفتاحه وغني للمسى والمح كثير من البشر اموات وتطفو من على صوتي هياكل ليلي واشباحه اقول الناس !! ولا اسمع تحت هذي السما اصوات اكيد الكل هو غافي وتكثر فوقه جراحه اكيد!!/ ما اعتقد/ يمكن/ طبع/ فيني/ بعين الذات اشوف الناس/ مجروحه!!/وتكون الناس مرتاحه!! !! ولكن من فتح هذا الورق بالأه والصرخات !! ورحت اصعد على هذا المساء وصرت مصباحه قدرت اشوف /واستكشف،ألم مسكون بالأهات وعطر للموت وهم يدرون عطور الموت فضاحه اشوف الموت يجتاح المدينه في هدو وأسكات واصب صوتي على صمت الظلام واطلق سراحه . نطق وايقنت كل واحد في ذاته ينسجن اوقات و اوقات اللي بقت يطلع يجهز طلقة سلاحه يارب اشكالهم تمشي على هيئة من النزوات لانجمه من وفا رحمه تكون بليل وضاحه هو يعني الناس من تكثر يموت الوصل بالنيات او الانسان من يوصل عفن نسيانه يجتاحه . غريبه ينحدر سيل الدموع ويجرح الأوقات وكل واحد من العزه يحط في جرحه صياحه ياكثر اللي نزل يصعد على غيره من الدعوات ويا كثر اللي من أجل الله على الاخطاء دماحه اسفرني من ضلوع المكان واخذ النبضات وارد عمري على عمري ادور للعمر راحه . خيالي وين ماودك توديني مع الابيات دخيلك خذني ياعمر الشعور ونفضة اجناحه بلا واقع/ وخذني اجمع بعيني ضوى النجمات خيال/ ولا ابي واقع يطول بالمدى أصلاحه اشوف اموات/ هياكل/ من على هالارض في خطوات وكل خطوه قدحت تسمع جدار الناس نواحه . . , , غنايه وقف المسرى ولا تصعد على الظلمات بعد لاتقرب ألباب المسى وبيديك مفتاحه... . . وأكيد اكيد الحب في هذا الزمن يحتاج إلى تصليح !! !!!! |
|
|
|
27-05-2011, 07:24 PM
|
#7 |
|
مشرفــة قسم ثيمات الجيل الثالث
|
طعنات أحبابي بعد لك وجه تجيني بعد ماذوقتني امرارك ياعمي طير خلاص انسى ولاتفكر تطق بابي اخاف بس صج تموت فيني اقول الا انت شخبارك اقول فارق واخذ كذبة تموت فيني وتحيابي طفى ضو المحبه وأنطفى في عمري مشوارك وعرفت اقسى الطعون اللي تجي من خنجر اقرابي خلاص الحين بس الحين عرفت شلون امطارك تصب هناك لكل الناس وتنسى تروي ترابي تعال وشوف برواز العيون وفيه انظارك هو التذكار مدام انت النظر وتجمل اهدابي اشوف بس أخذ الاشواك وغيري ياخذ ازهارك ياطيبي كنت احسب الجرح منك حيل يزهابي من اول تنشغل فيني وفيني تشغل افكارك واشوف الحين ماتقدر تطيق تشوف ترحابي عمت عين الظما ان كان الظما يترجى انهارك وعمت عين الهوى ان كان الهوى بيشتت اعصابي تخاف القلب لا اظلم غلاه يموت بأنوارك أبد لاتخا ف متعود على طعنات أحبابي مو مية نار تحرقني بقت هي بس على نارك ابشرك مابقى اي شي تحرقه كفو اصحابي تجيني ويعني وبعدين شسوي يعني لأعذارك تصوبني وترضي كل غرورك من ورى صوابي اقول اسكت ولا تكثر ترى مليت تكرارك طلبتك لين ماجفت عيوني من ورى اعتابي توكل ما بقى لك شي في عمري كود تذكارك أو اسمع حتى تذكارك كسرته داخل أهدابي |
|
|
|
27-05-2011, 07:26 PM
|
#8 |
|
مشرفــة قسم ثيمات الجيل الثالث
|
الاصيله انا من بين كفينك شعور يشبه الشعره اقولك شي ترى فدوه حياتي لو قطعتيني اخذت من الصبر لا لا اخذ مني الصبر صبره مدام بغيبتك محد يجي مثلك ويحييني تعالي يابعد روح الشعور ويابعد عمره انا البارح لهذا اليوم ابد ماغمضت عيني تنفستك شعور وفاح من صدر الغلا عطره تنهدتك وشفت الضيق يتنهد عناويني يضيق الكون بعيوني واشوف الكون ثقب ابره واشوف الموت ياعمري مابين عيونك وبيني كتبتك شوق من شفت الفراق بعمري ياكبره مو مثل اللي يقول لاانتي ولا غيرك تذليني مو انتي العز ولو ما انتي اقول انتي ترى وكره اصيله والاصيله ماخلق الله توطيني واذا ردت على العز الكريم ودورو صقره انا ليه احلف وانتي تشوفينه بجناحيني احبك ينثني هذا الكلام ويرتفع قدره احبك يرتعش هذا النجم يتشكل بطيني احبك نور في هذا المسى واقعد على بحره احبك لاتخلين الفراق امواجه تمحيني يالله وانتي بعيون المسى بهذا المسى قمره قريبه حيل في اسود عيوني انتي تضميني وبعض احيان تكوني داخل ظلوع الغلا جمره وكل هذا الوله ماهب من عيونك حرقتيني وبعض احيان تكوني داخل اشواق العمر زهره عشان الزهره لو بتموت تموت وعطرها فيني بغيت اقول شي لكن او انسي بس على فكره هي الحريه اني اختار قيدك وادخل يديني وانا اخترتك وخليني وسط كفينك الشعره اقولك شي ترى فدوه حياتي لو قطعتيني |
|
|
|
27-05-2011, 07:28 PM
|
#9 |
|
مشرفــة قسم ثيمات الجيل الثالث
|
الوقت حزين ومورقه عيوني دموع ٍ من علـى الاهـداب يهزهزني الجفا وتطيح دموعـي مـن أخـر اهدابـي ذبل عمري ولا مرو علـى هـذا العمـر غيـاب وتتساقط عيون اللي رحلـو فـي داخـل كتابـي مسكت اللي قدرت اكتب تفاصيله في وسط كتاب مثـل شـوق المطـر لمـا يعانـق وحشـة ترابـي اشم الدمع من ليـل المواجـع والسنيـن اعتـاب وعرفت ان الحنين الريـح وجابـت ريحـة احبابـي وانا لا مرني لو هو عطـر مـن ريحـة الأحبـاب ابتسمت وكـل مافينـي يطمـن رعشـة اصوابـي انا المطفي تحت سقف الحياه ووحشـة الابـواب مادام ان الوله علـق عيونـي مـن علـى ابوابـي يجون وأكثري يشعل أمل مـن جمـرة الاعصـاب يجون ولا لقيت الا الأمـل معطـوب بـأعصابـي وجوني اغراب وراحو مثل ماجوني بعـد اغـراب ارحلو من قبل لايطفي العطـر بكفـوف ترحابـي غريب الوقت او الناس الغريبه بكلمـة الاحبـاب اشوف الدمع فيهم مثـل ماشفتـه علـى اهدابـي |
|
|
|
27-05-2011, 07:30 PM
|
#10 |
|
مشرفــة قسم ثيمات الجيل الثالث
|
هدير الماء هدير الماء.. انا.. طيب علامك يالورق ظميان ابي ترمي القلم وسط الصور وتبلل الحاني انا ادري وجه كل هذي الصور ياصاحبي ذبلان ولكن تلقى من باقي ملامحهم ورى اشجاني تقضب في حبل هذا الغلا ولاتقطع الخلان وحتى لو نسو صوت الحزن من رنة أوزاني وزفير ٍ لانفثني رحت أولع صوتي البردان وصور ووجيه من نار وجمر..فى داخل اجفاني هنا بنت تبللهاالاغاني وتلبس الالحان وهنا كنت ارقى من فم الدعاوي فوق شيطاني وهنا لامرت الذكرى وسط بالي على جنحان ادورني وسط عمري ولا القى فيني اغصاني وهنا عشق ٍ يغنيني ويفرد للمسى أغصان اجي طاير على هذا الغناء يكسر لي جنحاني!! وهنا ام محاجرها أتشرب من فضا القرأن قلبت عيوني بعيون العجوز وشفت قرأني خليط القمح والماء السرابي من ورى الاجفان أنا هذا الأنا ولاّ معايا واحد ثاني اجوع وينكسر وجه الاماني واشبع الاشجان ظما وهذا النهر يجري ويروي اطراف شرياني اشوف بداخلي طلسم معاني وتمتة شيطان وعلى الاوراق من امشي اكون بهيئة ايماني انا من مر من فوق السراط المستقيم الأن وبعد نشوة حبر تحت الشتايم روح تلقاني أكون احيان في قلبي وفي عقلي بعض احيان ولا ادري من يوديني ويوقفني على لساني انا المفقود من عين السؤال شلون حال فلان اغط عمري وسط ليل الحسافه بأه والقاني اقول الدان تتهشم ضلوعي دان ليله دان وغيري في ألم ليله يصبح من على داني كتبتك ياتعب عمري ودور لك على انسان يقط برده ويرميني في وسط البرد وحداني |
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| سالم السيار كبريت الاصايل | شدا المجد | قسم الشعر المسموع واليوتيوب الشعري | 5 | 14-12-2010 08:07 PM |
| عسى مازعلتك البارح سالم السيار | شدا المجد | قسم الشعر المسموع واليوتيوب الشعري | 3 | 14-12-2010 06:18 PM |
| سالم السيار الاصيله | شدا المجد | قسم الشعر المسموع واليوتيوب الشعري | 3 | 14-12-2010 06:08 PM |
| سالم السيار احب الدين | شدا المجد | قسم الشعر المسموع واليوتيوب الشعري | 3 | 14-12-2010 06:07 PM |
| سالم السيار الدنيا | شدا المجد | قسم الشعر المسموع واليوتيوب الشعري | 2 | 10-12-2010 07:16 PM |
العرض العادي
