|
|||||||
|
|
 |
|
|
LinkBack | أدوات الموضوع | انواع عرض الموضوع |
30-05-2011, 07:23 AM
|
#1 |
|
مشرفــة قسم ثيمات الجيل الثالث
 |
نبذة من سيرته (( ياسر بن محمد التويجري من جباره من ولد علي من عنزهالمؤهلات ثالث متوسط .. اثناء دراسته المتوسطه كان امام للمسجد في بلدته التي يقطن فيها لمدة سنتين تقريبا ثم اللتحق بالعسكريه لمدة عشر شهور وتم فصله . وبعدها اشتغل بوظائف كثيره ولكن مؤهله الدراسي لايؤمن له راتب جيد من ضمن الوظائف على سبيل الذكر لا الحصر كبائن التليفونات ومعقب في إدارة صالح الراجحي للأوقاف ومحصل ديون في مصنع بلوك وخرسانه ولإنه من بيت صقاره ومن اهل المقناص كان يبيع ويشتري في سوق الصقور مع ممارسة الهوايه واستمر طويلا في هذه الشغله حتى انقطع عن السوق بعد ان تحسنت اموره ويشتري منه الان بالتليفون صقور لممارسة هوايته المقناص ولا يأتي للسوق تجنب للإحراج من الجماهير المحبه له رجل كريم جدا ومضياف ومن وصل إليه بعيدا عن الشعر ومهاتراته يعترف بذالك ويثني عليه . اشتهر بوقت مبكر .. وهذه نقطه تحتاج الوقوف قليلاً اغلب قصائده الموجوده في المنتديات الشعريه كتبها بعمر يتراوح بين 19 و22 وإن كان فيها ملامح الشاعريه القويه ولكنها ليست الحكم على الشاعر النهائي عاش مايقارب الأربع سنوات في ابوظبي وكان سببها الشيخ زايد رحمة الله عليه بعد ان القى قصيدة أمامه واحتضنه الشيخ محمد بن زايد ومازال .)) |
|
|
30-05-2011, 07:26 AM
|
#2 |
|
مشرفــة قسم ثيمات الجيل الثالث
|
ادخل مع الباب . . . . . . . . . . . . . . صنعه اللي عـرف يتقـن مداخـل لعبـة التشويـش مثـل كذبـة عمايـر بـوش وبنـدق عمهـم منقـاش . . . . . . . . . . . . . . يـدز النـاس للتفجيـر ويسـأل مـن وراه وليـش!؟ تقـوم النـاس تتسائـل وتنـجـح خـطـة الأحــواش . . . . . . . . . . . . . . ويبـدا الشـك فـي دارك وتنصـب نقطـة التفتـيـش بعـد هـذا يجـيـك الـلـي حيـاتـه ابـتـدت مــن لاش . . . . . . . . . . . . . . قضـى عمـره ورى لميـاء يـحـط بكفـهـا تنقـيـش يقول اللي ورى الارهـاب وفجـر عندنـا وانحـاش . . . . . . . . . . . . . . مـطـوع لحيـتـه كـذبـه تعـلـم بالقصـيـم الـطـيـش عسـاك وربـي الأعـلـى تـمـوت بغـرفـة الإنـعـاش . . . . . . . . . . . . . . وقبل لا تموت من ربي يحرمك لقمتك من عيـش تبي عودٍ قضـى عمـره بروضـة مسجـده معتـاش ! . . . . . . . . . . . . . . يشيـل الدقـن لعيونـك ويـأمـن منـكـم التخـديـش ألا تـكــرم لـحـاهـم لـــو يـرابــط فـوقـهـا نـتــاش . . . . . . . . . . . . . . وألا تكـرم لحـاهـم لــو تقـولـون الـكـلام الـويـش هم أكثر ناس ضد اللـي يقـوم وفـي يديـه كـلاش . . . . . . . . . . . . . . وهم أكثر ناس لا قامـت تقـوم ولا يقـوم الجيـش يمـر الوقـت وينـور عـلـى الدنـيـا شـعـاع فــلاش . . . . . . . . . . . . . . ويكسب مرضيٍ ربـه ويخسـر مرضـي التطنيـش نـشـوف ولا تعلمـنـا ومـــا زلـنــا نـعــد أوبـــاش . . . . . . . . . . . . . . بعين الكلب. . ابن الكلب. . راع الكلب ذاك ! بويش |
|
|
|
30-05-2011, 07:29 AM
|
#3 |
|
مشرفــة قسم ثيمات الجيل الثالث
|
ممدوحه لــي حـاجـةٍ عـنـد خـلانـي فـي دار مـن تـطـرب مـزوحـه الـلـي لـيـا جـيـت حـيّـانـي القـلـب يشـفـق عـلـى بـوحــه والعيـن تفـرح لـيـا جـانـي أفـــوح فـــي ذكـرهــا فـوحــه فوحـة مطالـيـع الاوزانــي أحـبّـهـا الــحــب بـوضـوحــه وهـــي تبـيـنـي وتـفـدانـي لا جيـتـهـا الـبـرقـع تـشـوحـه ولـبّـاس مخـمـل وكـتّـانـي مــن زود مـاهـيـب ممـلـوحـه تــتــلّ قـلـبــي بـشـريـانـي تــحــبّ تـسـمــع لـصـبّـوحــه وتموت في صوت الاغاني والصبح تركب فـ? مرجوحه ? مــن بـيـن وردٍ فـبستـانـي هــي رايـقـه بــس مجـروحـه قبلي مع ? الكاولي ? هاني والـيـوم انــا بـلـسـم قـروحــه واحـــسّ ومـفـتّـح آذانـــي ويــــلاه لا قــمــت لـلــروحــه تـقــوم تـبـكـي وتـرجـانـي وتــقــول لاتــتــرك الــدوحــه وازهد بـدارك علـى شانـي واقـول ماهـيـب ? منفـوحـه ? ذي دار جـــدّي وعـمّـانــي والله لــولا يــا ? مـمـدوحـه ? ثــــلاث روسٍ وتـيـجـانـي مليكـي اللـي عـلـى صـروحـه وعبدالله والنـا يـب الثانـي لاقطـع مـع البحـر فـي لـوحـه واجيـك واطـنّـش اخـوانـي |
|
|
|
30-05-2011, 07:31 AM
|
#4 |
|
مشرفــة قسم ثيمات الجيل الثالث
|
مساء البوق مساءٍ ماوطى قبله على رمـل الليالـي ظلـم مساء العز لا عـزاى وقـدم باقـة العبـرات مساء الدين وعيون اليتاما وانكسـار الحلـم مساءٍ كن شارون اليهـودي يطلبـه فزعـات يمرك دلم من غدره وتبقى مـن سـواده دلـم شريتك قرب يوم إني حسبتك من حساب الذات وبعت الناس بحجاجك حشمتك والحشيمه سلم أنا ماصحتلك وينك عـن (محاكيك)بالنكبـات أنا أنصحك لاتاقع على الظلعان وأصلك جلـم تغر الناس في طنخة عقالك وايسر المركـات وأنت أكبر فعايلك الكلام ومـا برأسـك علـم تحط الطيب في كف (الحكايا) يوم كفك مـات وتحط السيف بجراب الفعايل وأنت سيفك ثلـم علي (تحرم) فناجيل الرجال وريحة الفزعـات بأنك منت محسوبٍ من حساب الرجال الوِلـم رح إستفسر عن علومك وإلامن جبت لي إثبات بمثل دور(يسريه)على شانـك بأخلـع (فلـم ) |
|
|
|
30-05-2011, 07:35 AM
|
#5 |
|
مشرفــة قسم ثيمات الجيل الثالث
|
كلك مهابه - ماطر قصه وقصيده
السلام عليكم ورحمة الله وبركاته .. ماطر المنصوري .. واحد من اعز الرجال اللذين تربطني معهم علاقه قويه على درب (النقاء)... بإختصار العام الماضي في نهاية موسم القنص كنت في دولة الإمارات وكنت أنا والأخ ماطر جالسين ونسولف عن هوايتنا وعن الطيور والحباري ولم نخرج عن هذا المجال والأخ ماطر من اشهر صقاقير ابوظبي ومعروف عنه في بلده انه يقنص بطيوره الأراضي العراقيه منذ اكثر من 15سنه مروراً بظروف العراق التي لا تخفاكم وربي سبحانه ميسر اموره وله علاقات قويه هناك. فتطرقنا للحديث عن المقناص في العراق وعن ارضها الجميله وصيدها الوفير فطلب مني طلب وقال بلهجته وبسرعه لم تمنحني فرصة التفكير ( علي الربق أن تقول تم يالشاعر) فقلت بعد (مازرقني) (تمين ماهب واحد) فقال نبغيك تقنص معنا العراق السنه الجايه ( بلشت شوي) وقلت براسك وتم على اني بس ابي امشيها لين السنه الجايه اللي هي هذي راحت الأيام ودق علي الرجال قبل فتره يشيك ويتأكد ويحدد الموعد.. ماقلت له شي في التليفون كنت اقول (تم .. وخير ) لين سكرسماعة التليفون اخذت بعدها يوم واتصلت وبنفس طريقته وبسرعه بس هالمره بلهجتنا ولكن المعنى واحد قلت ( علي الحرام ان تسمع اللي ابي اقولك وان تقول تم) تراه الأجودي قال تم قبل يسمع مع العلم انه يدري اني (ماتزوجت واطلق هواء) بس هي فوعه. وسمعته القصيده وقال صح لسانك وقعد يضحك واعفاني عن المقناص معه في العراق وقال قانص معك هالسنه يعني قانص إن شاء الله لو في سوريا..!!؟؟ وللإمانه هو اللي طلب مني نشر القصيده مع ذكر اسمه ولاكنه طلب ان انشرها في الإعلام المطبوع فقلت له يابوعيد لو ارسلها للنشر كان والله اعلم يمكن ( ينشرون غسيلي!!!!!!!) قال كذا قلت كذا ماصارت السالفه مختصره .. لكن السموحه وإليكم النص مسبوق بالعذر اشتـقـتـلـك يـارفـيــق الـطـيــر والــدلـــه شوق الصحاري لنبت العشب والماطر لــنــك فـهـيــمٍ تـعـقــد الـحـبــل وتـحـلــه حــرٍ مـعـرب سـلايـل مخـلـبـه شـاطــر مـفـرع قـرامــه وفـعــل وقـــول وجـبـلـه كـلـك مهـابـه ورب البـيـت يـا(مـاطـر ) إلـيــا فـقـدتـك احــــس بـكـويــة الـمـلــه وإلـيـا لقيـتـك اروق ويـاسـع الـخـاطـر لــكــن وقــتــي دمــــار وعـلـتــي عــلــه جيـت اتـبـرى بوجـهـك عـلـك تشـاطـر الـوقـت قــرب وأنــا يالـقـرم بـــي خِـلــه وانتـه اشوفـك لساعـة موعـدي نـاطـر لاتنـتـظـرنـي وذيــــك الـــــدار مـحـتـلــه والــدم فيـهـا عـلـى القيـعـان متـقـاطـر وشـلـون اجيـهـا بـكـفـي طـيــر واشـلــه والواجـب إنـي اشيـل السيـف واخاطـر ماكـنـت لفـعـل واصـيـد الـريـش واحـلـه والـبـوش يـذبـح أوادم حِــل ويـسـاطـر خـــل الـعـراقـي يـمــوت بـديـرتـه خـلــه واقـنـص بــدارك ودور جــرة الـفـاطـر كــذا أونــك لـيـامـن رحـــت مـــع شـلــه خل (الحباري) وصيدوا جندي الباطر!! |
|
|
|
30-05-2011, 07:37 AM
|
#6 |
|
مشرفــة قسم ثيمات الجيل الثالث
|
قيادة المرأه افتح القران يالله اوحديث السنه 00000000وعطني اقوى دليل يفند العلماني كانه مكفر فعطني مقضب المنسنه 000000والله الوالي لجبع عاتق النصراني وان غدا عاصي فرحبي للذي وش كنه 0000عين نبع من صفاها تروي العطشاني شيخي اللي منته منه ولا أية منه 000000ضلع قلبي بيض وجهي جدي الروحاني عزكم يا العوده اللي تكسر ون الشنه 0000وعزنا بالدين حنا شيخنا سلماني الخوارج حوطونا مثل سور العنه 000000000 عذرهم رايين لازم واحدمع ثاني واخر الا راء شفته واحتقرته لانه 0000000000الدليل اللي يؤكد نزغة الشيطاني ودهم ان العذارا يركبن الدنه 000000000000 ويتمشن بالشوارع كان بالامكاني علمو راع المعارض كان يبغي الجنه 000000لا يبيع الا الرجال وعلم الحمراني والله ان البنت والله لو تسوق بفنه 0000000 ان تصير بمملكتنا ثورت الشباني وان تشن الحرب شنه ماوراها شنه 00000وان يصير الزيت واللي يطلبن مجاني لا تقيس الدار هاذي مع ربوع فينه 000000 ولاتقارن هالشباب بواحدلبناني أبك ذولا مجرمين وعالم منجنه 000000000عشقهم لحم الجمال وطبخة الضباني الهلالي مثل شكلي لو يجن ينخنه 000000في عطال القير والا قفلة البيباني في طريق مظلم ما للموبايل رنه 0000000مقطعه مافيه حوله مرمرة سكاني وش يسوي ياجماعه الله اعلم انه 000000يفتح المصحف ويقرا سورة الرحماني علم الزلفه يوقف لا نخيب ظنه 00000000فالقصيد اللي بحده خنجر عدناني ايه شاعر والدلاله كسرة في سنه 000000لأ نعمى ينطح بوجهه نطحة العمياني الله اكبر ياقرى مكه ويا اهل السنه 00000عرضكم اصبح نقاش لواحد علماني |
|
|
|
30-05-2011, 07:39 AM
|
#7 |
|
مشرفــة قسم ثيمات الجيل الثالث
|
عريـــــس وأستغلّّي مـدة الديـان فـي وقـت الفلَـس لاتعيديـن الخطايـا لاتحمـيّـن الوطـيـس وأنتِ أدرى في طلوعك قبل دقـات الجـرس ماابيك بدور ليلى لو عشقتـك عشـق قيـس بس خلينـي أشوفـك ليـن ماآخـذ نفـس أفرجي عنـي بعطفـك لا تخلينـي حبيـس وأحبسيني وسط قلبك وأسطري عندي حرس مابذلت أغلى اجتهادي .. كل جهدي بالنفيس وماغرست الشوق فيني أنتِ اول من غـرس ماعشقتك من غرور وعارفٍ درب الحويـس الرجل لا رز خشمه غمض العيـن وعطـس ماعشقتك عشق فارس يهتوي مهرة عويـس عاشقك خيلٍ اصيل يموت في ذيـك الفـرس خلي العذال تـدرع مـن قهرهـا بالحميـس وأتركيهم خلف ظهـرك وأستهلـي بالدبـس وإن حسبتي لي حساب وعدت للمنصب رئيس بأخبرك بأني عشقتك بس مـن زود الونـس قاهرتني في جراءة عين وطلـوع الخميـس لين سويت التحدي بين عشقك .. والطفـس وأحمد الله من كسبتـك ماكسبـت إلا لميـس بنت لاسلطن دلعها خلـت الشاعـر خـرَس لويعرف إبليس بأنه لاطـرى نلعـن إبليـس كان لاشفتـه بدربـي دق لطمـه وإنتكـس وأنتِ أدرى في علومي والغلا لك يا.. لميـس وفوق هـذا لا لمحتـك دق قلبـك وإنكبـس علمونا نخاف فطره من نياشيـن البوليـس بس وشلون نتعلم ناكل التمـر بعبـس ..!!؟ |
|
|
|
30-05-2011, 07:41 AM
|
#8 |
|
مشرفــة قسم ثيمات الجيل الثالث
|
عبدة الدرهم أنفجعت برحلة التفكير فـي عـرض المسيـروالتغى قيـد التوجـد مـن حياتـي وانطـوى والمصيبه كل مافقـد شـي ف عيونـي مثيـر ماتوجـد ليـن كفـي دون حـقـي تلـتـوى المهم إني كسرت السلـم فـي صفـو الغديـر والوكاد إنـي شربـت المـر واكلـت الهـوى هيـه ياللـي ماحسبتـي أي معنـى للأسيـر ليـه يـوم إنـك رحلتـي ماخذيتـي هالنـوى أنتحرتي بـي بدايـه وانتصرتـي بـي أخيـر والعشم اكبر وانا اللي احسب ان احنـا سـوى شلت حبك وسط صدري وانوسم باقصى الضمير لين أشرف ذيـب قـدرك فالمعاليـق وعـوى أهتدالي دربـك المظلـم وأنـا مانـي غريـر واستوى لي في عيوني يـوم قلبـي إستـوى عذري إن الصدق مبدأ.. وأنكشفت إنـي فقيـر وعذرك إن الطعج ملجاء للهروب مـن الخـوى عيبي إني ماجمعـت القـرش لليـوم العسيـر وعيبي إن الضيف عندي هو رفيـع المستـوى أذبح الحيل السماني من خـروف ومـن بعيـر مهتوي والطبع يغلب يـوم غيـري ماهتـوى ماشتغلت من المناصب غير في منصب خفيـر والصحيح إني عقيد القـوم فـي رتبـة لـوى أدري إنـي ماملكـت المـال لكـنـي أمـيـر دام رأسي من عرفتـك فـوق كتفـي ماهـوى وأنتي اللـي كـل همـك بالتذاكـر والمطيـر والسفر وازعـاج قلـبٍ مـن فراقـك انكـوى تعبدين المـال وأنتـي فـوق يابنـت الوزيـر ومن ولدتي ماكسرك الجـوع وأحتجتـي دوى ودي اسأل دام عندك مارد.وجمـه .وبيـر ليه تجفيني وأنـا اصـلاً ماطلبـت الإرتـوى أسمعينـي واحسبينـي نـاصـحٍ وإلا نـذيـر وأفهمي قولٍ أقولـه قبـل شاعـث وشعـوى منتكس عبد الدراهم لو يصيـر اللـي يصيـر فالأحاديـث الصحيحـه والبخـاري مـن روى |
|
|
|
30-05-2011, 07:42 AM
|
#9 |
|
مشرفــة قسم ثيمات الجيل الثالث
|
عبدالعزيز بن ماجد بن عبدالعزيز انـا يـا محزمـي ضاقـت علـيّ ومــا نـويـت قـعـودانــا طالـبـك رح شــف لــي مـحـل فــوق طـيــاره ابرجـع فـوق ملـسـات الجـوانـب خـارقـات الـنـود وخــل الـلـي مـاهـو مثـلـي يـعـوّد فـوقـي حـمـاره انـا مــا عــاد لــي مقـعـد بــدار الحـاكـم النـمـرود وتــرى الـوافـي لـيـا مـنـه تـبـاطـا حـــن لـديــاره ابــاعــوّد لـمـربـاعـي ودار الـمـرجـلـه والــجـــود صنـاديـد الـرجـال الـلـي تحـفـظ الـجـار وجـــواره انـا بسألـك وش أحسـن مـن الصحـه وآل سـعـود تـــرى ذولٍ مـــن أنـعــام الـحـيـاة ولـــذة ثــمــاره أبــعــوّد أبــعـــوّد وخـــــل الــهـــرج والــمـــردود وانــا مـابـي مخاضـيـر الجـبـال وقطـفـة أزهـــاره بقـلـبـي كـــن ثلـثـيـن الـمـدافـع يـهـدمـن ســــدود لـــوازم حاجتـيـنـن تنـتـظـر هـالـبـوح وأســــراره بـودي لا رجـعـت أسـجـد وبحـمـد ربــي المعـبـود وأقــول ان الـزمـن ظـالـم وأقــول الـنـاس غــداره وأكمـل لازمـي وأركـض لقصـرٍ مـا عنـه منـشـود جنـوب الـدار فــي وجـهـه حـيـاة وتشتـعـل نــاره انـا مـا قـول هالقصـر الكـريـم الشـاهـق المـعـدود انــا أقــول الـكـرم كـلـه تـظـلـل تـحـتـي أســـواره يـذري لعنـبـو قـصـرٍ تنـحـى عــن ذرى المـطـرود يـحـيـي لعـنـبـو حـــي البـخـيـل وكـثــرة أعـــذاره تمركـز فـوق مـزوي الهضـاب وفـوق نبـت العـود وراهـــن بـــن تحـتـيـه ربـيــع وتـمـشـي أنـهــاره لأنـه مـن سكـن وسطـه ولـد ماجـد عريـب جـدود نـعــم عبدالـعـزيـز الـلــي نـحـبـه كــبــر ايــطــاره وهو مـن كثـر مـا يجمـع صفاتـه تكسـر المحـدود ألا يـــا مـطـيـب فـعـولـه وألا يــــا مـكـثــر أدواره أمـيــرٍ لا بـغــا يـامــر يـفــت لـطـاعـتـه جـلـمــود مـع ان الأمــر يـركـع لــه ولـكـن تلـمـح اصــراره كـريـمٍ كــن كفيـنـه عـلـى جــزل العطـايـا شـهــود وهـو لا مـد مــا تــدري يميـنـه وش مــع يـسـاره شـجـاعٍ لأنتـحـت هيـجـا يـــدك الـمـلـح بـالـبـارود ولا يا المخطي أردى لـك وهـو مـا يخطـي عيـاره حليـمٍ شفـتـه بعيـنـي رفــع سيـفـه عــن المـقـرود نفـض بشتـه عـن البطـش الحـرام وطيّـر غـبـاره حكيـمٍ مجمـل الحكمـه تـراهـا فــي طـبـاع سـعـود ولـــده الـلــي تـــذرا فـــي ذراه وطـبــق أشـــواره أنــا عيـنـت بـــه شـــيٍ يسـمـونـه لـيــان الـكــود تـواضـع مــا بـعـد شـفـتـه بـشـيـخٍ بـيــده أمـــاره أبــك حـنـا الـيـا مـنــا عـجـزنـا نـاصــل العـنـقـود مــن الكـبـر وعذاريـبـه نـقـول العـيـب بـأشـجـاره فـمـا بـالـك بأمـيـر وحـاكــمٍ يستـفـزعـه مـجـحـود أمـيــرٍ مـــن خـلـقــه الله بـكـفــه عــــذق نــــواره وش يسـوي لـيـا مــن الضعـيّـف عانـقـه ملـهـود يـبــي فـزعـتـه والـشـكـوى لـربــي طــيّــح زراره يرصه وسط عيـن اللـي عيونـه مـن قهرهـا سـود جـلـيـس لـلـرخـوم الـلــي بـــلا مـدلــول ثــرثــاره أباصـل سيـدي وأرجــي عـسـاه بمـاكـره مـوجـود وأبثـنـي ركبـتـي قـدمـه وأحـبـه وأسـكــر بـهــاره جبرنـي غصـب مـن طيبـه أحبـه وأفـقـده وأعــود وأجيـلـه كـنـي المجـبـر بـعـد مــا فـكـوا حـصــاره هـذاك اللـي ليـا مـنـي فقـدتـه عـشـت بــه مفـقـود هــذاك الـلـي لـيـا مـنـي لقـيـتـه طـــرت بـأنــواره عجزت أقدر على وصف الشطير الصارم المجرود عجزت ألمسه في شعـري وأعـز الشعـر بأشعـاره قصـر فـي عينـي العبسـي ووايلنـا وروبــن هــود وشـو سـيـف باهلـهـم بـوسـط حــروب ذي قــاره قصر فـي عينـي الشـارد وراع الصفـر والمشـدود وأبـو ليلـى قصـر معهـم لـو أنـه مـات فــي ثــاره شهر مثل الحـرار اللـي رقـت فـي عالـي المسنـود نــزل فــي قـلـب مــردي النصـيـب ودق مسـمـاره كسـر كـل القواعـد سيـدي صاحـب سـمـو الـجـود لأنــــه يــدخــل قــلــوب الأوادم قــبــل إشــعـــاره لأنـه مـن وصـل بيتـه وهــو مـيـت طـلـع مـولـود ولأنــه دون مــا يـبـرق ويـرعـد تهـطـل أمـطــاره ولأن النـاس مـن ذكــره تحـبـه مــا تـبـي مــردود ولأنــه دون مــا يـرقـى منـابـر صــاروا أنـصــاره ولأنــا لـيـن هاللحـظـه وحـنــا ماسـكـيـن حـــدود ولا شـلـنـا تماثـيـلـه ولا طـفـنــا عــلــى جــــداره عسـى الله لا يوريـنـا عــذاب الـفـارس المحـسـود وعـســى الله لا يقفـيـنـا غـــلاه ونـفـقـد إبـصــاره أنـا مـن ويـن مـا جبـت القصايـد أطلـع بــلا فــود مــع أنــه رمــز تجـديـد القـصـيـد وقـــل تـكــراره مصيبه كل ما أثنـي لـه حروفـي أكتشـف بـه زود وأصيـر بحضرتـه غــادي ونفـسـي فـيـه محـتـاره لــك الله يــا ولــد مـاجـد طلبـتـك أرفــع المـنـقـود وقــدر ظــرف مــن روحــه فــداك وهــل مـعـبـاره وأنا أدري فيك ما تحسب حساب ولا وضعت بنود ولا كــج الـدسـم كـفــك وعـيـنـك تـرقــب حـــواره ولكنـي أنــا مــا أنـكـر كـريـم ولا رضـعـت يـهـود أنـا مـن نسـل أبـن وايــل مـعـرب فـخـذي جـبـاره أحـسـب أنــي عـلـى رد المثـايـل والثـنـا محـسـود وأثـر مــا ألـعـن مــن الـلـي يـمـوت بـيـد بيـطـاره وأنــا يــا سـيـدي ودي ختـامـاً تـعـرف المجـحـود تـــرى مـاســم سـمــوّك بـيـنــه بـالـقـلـب اثــــاره |
|
|
|
30-05-2011, 07:43 AM
|
#10 |
|
مشرفــة قسم ثيمات الجيل الثالث
|
رماح الخبط هيلـكـوبـتـر ودبــابــه ورشــــاشٍ قــــوي الـنـبــط وسيفٍ ما قدر يقـوى صـداه اللـي عطـاه خطـوط وصـواريــخٍ سـمـاويـه تـطـيـر ولا تـهــدف زبـــط وتصاريـحٍ علـى ذيـك القنـاة اللـي تحـب الـهـوط قبل محبس جنـوب الـدار هزيـزٍ مـن رمـاح الخبـط وقبل محبس شمال الدار هزيز رماح يـا بلـوط!! وبـنـتٍ قطـرهـا مـلــي وتسكـنـهـا دواهـــي عـبــط وهــي أصــلاٍ بهالدنـيـا عبيـطـه بثـهـا مـلـحـوط عـبـوديـة تمـاثـيـلٍ تـعـلـت فــــي رفــــاع الـهـبــط وخـوفٍ فـاز يـوم انـه قـدر يكسـب ثـلاث نـقـوط وسـلام الله ويـا أهـل الله عبـارات وتـحـب الشـبـط ولا تـنـلام يــوم أنــه تـعـدت لـيـن حـــد الـغــوط عـرب وشـي مـدام انـه علـى موتـه تـسـوي ربــط وجرب وشو سوى بوشٍ قدر يعدي بدون شروط تأمـلـت وتفـكـرت وبـكـت عيـنـي دمـــوع الـسـبـط وضربـت جـدار عزتنـا بكفـي وإنضـربـي شــوط وقفـت وشلـت رشــاشٍ علـيـه مــن الليـالـي قـبـط ورثتـه مـن هـل النخـوه جنـوه لـدولـةٍ وسـقـوط وقـفـت وقـلـت أبـرمـي بــه ولكـنـه غـزانـي حـبـط عرفت انـي وأنـا واقـف بعيـد ويقصـر الشاعـوط مـدام شعـوب هالعالـم تبـي تكـسـر خـشـوم اللـبـط وش اللـي يجبـر الحاكـم يحـب النفـط والنـاقـوط غـــدت حـكــام دولات الـعـروبـه بـالـلـزز تـحـبــط يعبـد المنصـب الحـاكـم ولا فـكـر بقـبـر وســوط مثـل شخـصٍ يـداري لـه علـى راتـب عيالـه وأبـط إليـن انـه تهيـا لــه عـلـى بـنـد الأجــور حـطـوط عطونا السيف مـا نبغـى صواريـخ وإشـارة ضبـط وعطونـا الكيـف فالـدلـه وخلـونـا نقـيـم الـشـوط علـى بــوش وعـلـى تـونـي ورامسفـلـد لا خـربـط عشان يشوف وش حنا ويعرف موقعه مضبـوط نـبـي ننـخـا شريعتـنـا عـلـى ذيــك الـكـلاب العـبـط تحت راية عظيم الشان يعز الضعف والمضغـوط نموت أو ما نموت أحسن نمـوت ولا تحطـك بإبـط خنـازيـرٍ يهـوديـه تـضـوطـك بالمـفـالـي ضـــوط تعلمـنـا بــأن الطـيـر مـثـل مــا طــار يـبـي يهـبـط ولا منـه نـوى الحومـه يجيبـه للثـرى صـاعـوط وكـل الخـوف لامـنـه وقــع بـيـن اللـظـى والشـبـط يجيـه اللـي علـى وجهـه يعالـج كسـره المفـروط |
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ياسر التويجري - قيادة المرأه | شدا المجد | قسم الشعر المسموع واليوتيوب الشعري | 4 | 25-01-2011 08:49 AM |
| قصيدة الشاعر ياسر التويجري امام الملك عبد الله 1431هـ | الرويال | قسم الشعر المسموع واليوتيوب الشعري | 3 | 20-11-2010 11:42 PM |
| الشاعر ياسر التويجري | شدا المجد | قسم الشعر والقصائد | 2 | 02-10-2010 09:42 AM |
| رد الشيخ د/عايض عبدالله القرني على المهايطي ياسر التويجري | Wolf | قسم الشعر والقصائد | 4 | 29-06-2010 10:46 PM |
| مجلس الشاعر / ياسر التويجري ~~~ فيه أشياء غريبة | الرويال | صور غريبة - صور نادرة - صور مضحكة - صور جديده | 4 | 14-02-2010 08:29 PM |
العرض العادي
