15-09-2011, 04:49 AM
|
#21 |
|
مشرف قسم الترحيب والتهاني
 |
يافالق الصبح يامولج نهارك بليل ياجامع الناس في يوم البعث و النشور عليك كل إتكالي وأنت نعم الوكيل يا عالم بالمصير و ماتكن الصدور يالله يالله تهديني سواء السبيل و تعصم لساني عن الزله وعن كل زور الشعر موقف وحده مثل حد الصقيل لو كان كتله من احساس البشر والشعور ياما رقابي ورقيته براس الطويل - وياما سبح بي بحور وغصت به في بحور وانا ليا حان ميقافي قبست الفتيل و اوقدت من نار فكري للمسافات نور واليوم لاهنت ياشعري مايخدم بخيل مادام سلحتك الافكار مانت معذور قدمك من العز مايروي ظما كل جيل سوالفه تزرع الامجاد في كل بور وقدمك لميع الهنادي والقنا والصقيل وقدمك من المجد ماترويه كل العصور مسافته عز ماتنقاس كيلو وميل بركانها ماخمد وامجادها ماتبور ياموكب الشعر وقف واستمع لي قليل حتى اني اعطيك للتاريخ رخصة عبور سيرة بطل ماتغيبها حكاية رحيل تبقى بوجه الزمن كالنحت فوق الصخور ماكانت ارض الجزيرة قبل ذاك الاصيل إلاتفكك عقيدة وانحدار ودبور نهارها كم قتيل وليلها كم قتيل جنايز مالهافوق البسيطة قبور قويهم سلطته تسلب حقوق الذليل وشيطانهم ساد والظلم انتشر والفجور وكل لخصمه من اصناف العداوة يكيل وصدورهم من جهلهم فالمعاصي تفور مال الامن شجرة فيها مقر ومقيل ولابينهم للمودة في الجزيرة جسور هذا قبل هيت تخطيها عيون الدليل وهذاقبل سطوة القرم العزوم الصبور النادر اللي على العارض يهيم ويخيل - من يوم عمره عشر شوره غلب كل شور من قو باسه صنع ممكن من المستحيل - ومن طيب راسه يحل معقدات الامور زهابه الصدق والاخلاص حمل الصميل وسلاحه الدين والتقوى سلاح الغيور جمع شتات القبايل لين صارو فصيل واخوان عقب التناحر والجفا والشرور وحكم بشرع الكتاب اللي ماغيره بديل وعم الفرح فالبلاد وساد كل السرور لامال ميزان غيره مايحيد ويميل في سطوته ينكسر راس الجهل والغرور شخصيته مالها في كل جيله مثيل تجف الاقلام وبمدحه تضيق السطور والله ليبطن ماجابن ناقضات الجديل مثله ولااقول في كل النشامى قصور ويالله يامستجيب للدعاء ياجليل من عبدك اللي لك مطيع وذليل وشكور ترسل على قبر ابو تركي صدوق المخيل وسم يساقيه من غر السحاب البكور وتهل فوقه بسيل مايلاديه سيل وترحم عظامه وتغفر زلته ياغفور وتجمع به المصطفى في جنتك والخليل وتحفظ عياله مواكير الحرار الصقور وإنك تجمل وتهديني سواء السبيل وتعصم لساني عن الزله وعن كل زور |
|
|
15-09-2011, 04:49 AM
|
#22 |
|
مشرف قسم الترحيب والتهاني
|
قصيدة يا مالك الملك
يا مالك الملك يالواحد شديد العقاب يا غافر الذنب يا مرسل رسولك نذير يا خالق الخلق يا محصى الخطا والصواب تعالت اسماك مالك في صفاتك خشير يا محي الارض بأمرك من حمول السحاب يا عالمن فالحياة وما يؤول المصير يا جامع الناس في يوم الحشر والحساب مافيه فرق هذا تاجر وهذا فقير كل الخلايق سوا الا بحمل الكتاب لا شخصت ابصارهم يوم النهار العسير احد فتح له كتابه صوب جنتك باب واحد هوابه اكتابه للسخط والسعير يا رب رحمتك لا هلو علي التراب واصبحت مالي عن الوحشه مفر ومطير واقفوا ولدموعهم فوق الخدود انسكاب واسمع قريع احذيتهم فالوداع الاخير ودخلت في عالم البرزخ وطال الغياب وفارقت كل القرايب والاهل والعشير وجوني ملائكتك العمل والعذاب استسلمت نفسي لمنكر وجاني نكير في موقف للسؤال يزيد ثقل الجواب الا برحمتك اللي فالخفايا خبير يا رب حملت نفسي بالشقا والعتاب ومديت حبل الخطا لبليس واصبحت اسير وطاوعتها في متاهات الوهد والسراب لين اشبكتها الخطايا شكب والنفس طير ازل واقول انا توي بسن الشباب واليا نصحني محب اقول توي صغير ما كنت احسب لوقتي والليالي احساب ولا كنت افكر وش اللي في زماني يصير الا بعد ما نصفت العمر والراس شاب وفقدت من ربعي الادنين جمع غفير عرفت ان الحياة مصارعه واكتئاب واني مودع ولالي غير ربي نصير ومن لا تزهب من التقوى لنفسه زهاب لا مات وش حجته يوم النهار الكبير فالموقف الي مافيه امجادله وانسحاب منهوله لهاك النهار يشيب راس الغرير لكن اليا اذنب نبي آدم واعترف ثم تاب الله يغفر الذنوب وينصر المستجير |
|
|
|
15-09-2011, 04:50 AM
|
#23 |
|
مشرف قسم الترحيب والتهاني
|
قصيدة دوله ال سعود مزبنين الجلاوي..
فاح عطر القصيد وغردن الفرايد من ضمير على بدع المثايل رهاوي واشلعن من غصون الشعر ندر القصايد شردن مايروظهن قريب الهقاوي واستوت طبخت المعنى بجمر الوقايد لين ذيب القصيد من الوله جاك عاوي حالفن اني لاعلقها قلايد قلايد لين ماعاد تطلع من ذهن كل راوي وكان مارضيت راع الموهبه والمحايد والله اني لاصير عن القصايد نحاوي اعشق الشعر واخذ من سنيني فوايد واتزود وانا اللي ماقطعت الرجاوي جعل يوما جمعنا في الامارات عايدد ولتن ماحكمها غير حر النداوي لين صار الامن والعز والخير سايد ومن يجيها فقير يروح منها غناوي اعشق ترابها واحبها حب زايد ودي اروح عنها مير ماني بقاوي املكتني وانا قلبي من الحب جايد وحبها مايداويه الطبيب المداوي ودعت قايدن غالي وفرحت بقايد عنده اكبر مصيبه مثل شرب القهاوي وله عضيد عليها للامجاد رايد من هو اللي براعي المجد والطيب غاوي سعد منهو تعزوى به نهار الشدايد يوم فعل الشجاعي يبين وقت العزاوي وانا من دولتن فيها وساع البنايد دوله ال سعود مزبنين الجلاوي |
|
|
|
15-09-2011, 04:51 AM
|
#24 |
|
مشرف قسم الترحيب والتهاني
|
قصيدة ياحرفي اللي ضاع
ياحرفي اللي ضاع مابين الدفاتر والرفوف اللي رسمته من تنهاتي ومن حبر قلمي ضحيت لجله في حروف وقمت لجله في حروف وصبرت لو النار من فوقي ومن تحت قدمي ياصاحبي اللي على شانك تحديت الضروف اسمع كلامي زين وافهم وش اقوله من فمي ماهو بأنا اللي تتركه بين الخناجر والسيوف وتمص دمه بين خلق الله يامصاص الدمي انا بدوي ماسكن في الوقت مسكان الضعوف اتبع هوا بالي واسير عند ذودي وغنمي طوفتها لك لجل خاطر عين ولا ماتطوف ولا انت مهما زاد وزنك وزني يطرحك نسمي صمتي يدل اني وفي ومسوي فيك امعروف وصبري يدل اني من زحول الصناديد انتمي ياقوم ياللي تذبحون الحيل قدر للضيوف وش رايكم في اللي يعشيني من اوصال لحمي وقفت له يوم اجلسوا واجلستله ناس وقوف غير الذخيره والفشق في محزمه من محزمي |
|
|
|
15-09-2011, 04:52 AM
|
#25 |
|
مشرف قسم الترحيب والتهاني
|
رثاء تركي الميزاني لرياحي
خيم الحزن في صدري ونوخ ركابه وابتدا ليل هم ونوم عيني هجرته مابقى للقصايد وسط صدري رحابه غير هم ليا اجتاح الخفى ماشكرته كل مخلوق فالدنيا مقدر حسابه لو يقولون توه ماخلص من ثمرته والسبايب تفاوت والمنايا تشابه وجل الانسان تكسب ساعته من صغرته آه ياخوي اللي ماتعوض غيابه اشهد اني فقدته واشهد اني خسرته كيف ابنساه وادله واتناسا مصابه وكل طاروق لاجيت ابتديبه ذكرته يابدر كل كسر يهون واجبر صوابه غير كسرن يبا يبطي وانا ماجبرته رحمة الله على اللي له مقام ومهابه منبع الطيب يوم الطيب تثمر شجرته من فراقه غديت اقنب قنيب الذيابه وبح صوتي ودمعي من عيوني نثرته ودي اسلا عن الهاجوس واصك بابه مير حزني وهمي ساقني ماقدرته |
|
|
|
15-09-2011, 04:52 AM
|
#26 |
|
مشرف قسم الترحيب والتهاني
|
قصيدة البارحه يوم كل نام يانايف
البارحه يوم كل نام يانايف أخوك ماهوب لانايم ولاواعي يحوف قلبه من همومه مية حايف من غير هم قديم بين الأضلاعي هم يزعزع جبال طويق والطايف مخفيه لي مدة مع باقي أوجاعي لاشك ماني من غدر الزمن خايف أعرف دخولي بعد ماأعرف مطلاعي لكن الأيام منها خاطري عايف لو إنها تجربة عمر وتمتاعي يلوفني عن مقاصد خاطري لايف وأمشي مع الدرب وعيوني لمرجاعي لاعاد تنشد عيوني ويش أنا شايف مافي عيوني يسولف لك عن أوضاعي |
|
|
|
15-09-2011, 04:53 AM
|
#27 |
|
مشرف قسم الترحيب والتهاني
|
قصيدة ياسعود لاتنشد عن الحال ياسعود
ياسعود لاتنشد عن الحال ياسعود الحال ولى فالزمان المولي والجسم الاقشر قام ينحل كما العود والهم خاويني معي ثل ظلي لو قلت لك موجود ماني بماجود اظحك واجامل واحدن مافطن لي متبعدن عن كل شاذب ونمرود ومنزحن بين الخلايق محلي ياسعود يوم الهرج له قن وحدود وداني اكتبلك عن الي حصلي والي حصلي له مصادير وورود اقفت صدوره والورود اقبلني من عقب ماسافر على زورق النود عود وجا من سفرته راجعن لي واول جوابه لي مقابيس وزنود ونارن تشل اطراف الاظلاع شلي وان قلت مالك من ورى القلب مقصود وان كان لك مقصود عبر وقلي تال الزمان يبين البيض والسود لاتحسبني راجعن لك تسلي وان قلت وش رجعك لافدت بالفود قال انشد الي جابني من محلي ماجابه الا من يقود الهوا قودقود البعير اليا امتنع لايفلي الصاحب الي دونه الحزم ممدود بقصى جبالن حيدها عارضنلي ارسل مراسيله يبى العلم موكود ياليت مرسوله جلس ماوصلي عقب السنين مشيبة كل مولود اليوم من فرقاه دمعي يهلي ياسعود قلبي راح ماعنه منشود كب الظلوع وراح مرواح خلي |
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| 2000 AL-MajroOoOh | ويبقى الأمـــل | قسم الترحيب والتهاني | 2 | 21-04-2011 10:12 AM |
| العثور على 2000 جنين تحت معبد تايلاندي | ويبقى الأمـــل | قسم الاخبار العاجلة - غريبة - طريفة - | 6 | 11-12-2010 03:21 PM |
| 2000 بشوره | Wolf | قسم الترحيب والتهاني | 13 | 19-11-2010 03:40 PM |
| رابط التسجيل في ديوان المراقبه , رابط التقديم في ديوان المراقبه | الرويال | أخبار الوظائف - وظائف حكومية - وظائف شركات - وظائف رجالية - وظائف نسائية | 2 | 07-06-2010 10:21 PM |
| hyun 2000 مشاركة | الرويال | قسم الترحيب والتهاني | 7 | 01-05-2010 03:37 AM |
العرض العادي
